Kiýewde Russiýanyň hüjüminden soň düşürilen suratlar uly weýrançylygy görkezýär
Çagalar hüjümde zeper ýeten jaýyň golaýynda ýorgana bürenip otyrlar. Olaryň öý iti hem ýanynda.
Halas edijiler rus hüjüminiň bolan ýerinde harabalygyň aşagynda adamlary gözlemegi dowam etdirýärler. Häkimiýetler ölenleriň arasynda dürli ýaşdaky dört çaganyň bardygyny aýdýarlar.
Aýal maşgala hüjüm edilen jaýyň harabalyklarynda halas edilen pişigi alyp barýar.
Paýtagtyň Darnytskiý etrabynda gözleg we halas ediş işleri dowam edýär. Halas edijiler zeper ýeten binanyň ýokarky gatyna çykmak üçin ýörite enjamlary we tehnikany ulanýarlar.
Kiýewiň şäher harby dolandyryş gullugynyň başlygy Timur Tkaçenko 28-nji iýul gijesi bolan rus hüjüminde azyndan 15 adamyň wepat bolandygyny aýtdy.
Kiýewde weýran edilen binanyň golaýynda aglap duran gyz.
Kiýewde 28-nji awgustda daň atanda partlamalar zerarly ýüze çykan ýangyn sebäpli paýtagtyň asmany tüsse bilen örtüldi.
Kiýewli aýal harabalyklaryň arasynda kirpini tutup dur.
Lukmançylyk işgärleri hüjümde ýaralananlara kömek edýärler. Häkimiýetleriň habar bermegine görä, Kiýewiň 38 ýaşaýjysy dürli agyrlyk derejesinde ýaralanypdyr.
Jaýyň töweregi zeper ýeten kwartiralardan uçup düşen galyndylardan doldy. Binanyň öňünde duran awtoulaglara zeper ýetdi.
Lukmançylyk işgärleri Kiýewiň merkezinde ýaralanan adamy göterip barýarlar.
Darnytsiýa etrabynda göni urgy bäş gatly binanyň bir bölegini weýran etdi. Halas edijiler häzirki wagtda harabalygyň aşagynda galan adamlary boşatmaga synanyşýarlar. Rus ýolbaşçylary rus goşunynyň Ukrainanyň raýat infrastrukturasyna gönükdirilen hüjümleri amala aşyryp, parahat ilaty öldürýändigini inkär edýär.
Ukrain häkimiýetleri we halkara guramalary bu hüjümleri Russiýanyň uruş jenaýaty diýip häsiýetlendirýärler.
Kiýewde zyýan çeken ýaşaýyş bolmadyk binanyň fonunda duran skuterli ýaşaýjy.
Hüjümde onlarça awtoulaga zeper ýetdi.
Kiýewiň Žylýanski köçesinde birnäçe bina zeper ýetdi, döwülen penjireler zeper ýeten binanyň öňündäki meýdany örtdi.
Rus raketasy bilen urlan jaýda ýaşan adamlaryň goş-golamlary töwerek-daşa pytrady. Olaryň arasynda çagalaryň öýunjaklary bar.
Itler gyssagly kömek gullugynyň işgärlerine harabalykdaky adamlary gözlemäge kömek edýär.
Käbir awtoulaglar doly ýandy.
Paýtagtyň etraplarynyň birinde weýran edilen ýaşaýyş jaýy.
Azatlyk Radiosynyň ofisine raketanyň düşen pursady gözegçilik kameralary tarapyndan ýazga alyndy.
Russiýanyň Kiýewe eden hüjümi zerarly Azatlyk Radiosynyň edara jaýyna zeper ýetdi.
Zarbanyň tolkuny Azatlyk Radiosynyň Ukrain gullugynyň redaksiýasynyň penjirelerini döwdi. Azatlyk Radiosynyň işgärleriniň arasynda hiç kim ýaralanmady.
Rus goşunlary raýat ýolagçy gatnawyna, hususan-da, şäherara ýokary tizlikli otlylara hüjüm etdiler.
“Ukržaliznytsia” demirýol edarasynda hiç bir reýsiň ýatyrylmajakdygyny belläp, goşmaça ulaglaryň işe giriziljekdigini aýtdylar.